અરીસામાં ***મહેન્દ્ર જોષી
તને એવી રીતે હું જોઉં છું મારી પ્રતીક્ષામાં
મને જેવી રીતે હું જોઉં છું ઝાંખા અરીસામાં
બધા રસ્તા નદીની જેમ વહેવા લાગશે ક્યારે?
ચરણ બોળીને બેઠો છું અહી તારા જ રસ્તામાં
બીડેલા છીપ જેવી લાગણી ને હાથમાં છે રણ
તને જો ધારણા હો સ્વાતિની તો ફેંક દરિયામાં
મને પંખી કહે પિંજર કહે અથવા કહે આકાશ
છતાં હોતો નથી હું ક્યાયપણ તારા પુરાવામાં
સળગતા કોલસા પર નીતરે છે આંખના વાદળ
વિચારું જ્યાં તને ત્યાં તો નીકળતો હું ધુમાડામાં
તને છે ઘાસનું ઘેલું મને છે ઓસની ભીતિ
કહે તું કૈ રીતે મળવું વરસતા છેક તડકામાં
અહી ભયગ્રસ્ત હાથોમાં થયો છું કેદ વર્ષોથી
તને હું કેમ સમજાવું દિવસની એક ઘટનામાં
(કાવ્યસંગ્રહ 'તંદ્રા 'માં થી વર્ષ ૧૯૮૫ )
તને એવી રીતે હું જોઉં છું મારી પ્રતીક્ષામાં
મને જેવી રીતે હું જોઉં છું ઝાંખા અરીસામાં
બધા રસ્તા નદીની જેમ વહેવા લાગશે ક્યારે?
ચરણ બોળીને બેઠો છું અહી તારા જ રસ્તામાં
બીડેલા છીપ જેવી લાગણી ને હાથમાં છે રણ
તને જો ધારણા હો સ્વાતિની તો ફેંક દરિયામાં
મને પંખી કહે પિંજર કહે અથવા કહે આકાશ
છતાં હોતો નથી હું ક્યાયપણ તારા પુરાવામાં
સળગતા કોલસા પર નીતરે છે આંખના વાદળ
વિચારું જ્યાં તને ત્યાં તો નીકળતો હું ધુમાડામાં
તને છે ઘાસનું ઘેલું મને છે ઓસની ભીતિ
કહે તું કૈ રીતે મળવું વરસતા છેક તડકામાં
અહી ભયગ્રસ્ત હાથોમાં થયો છું કેદ વર્ષોથી
તને હું કેમ સમજાવું દિવસની એક ઘટનામાં
(કાવ્યસંગ્રહ 'તંદ્રા 'માં થી વર્ષ ૧૯૮૫ )
