નામ

રાષ્ટ્રીય સર્વ ભાષા કવિંસંમેલન ૨૦૧૦

કોંકણી કવિતાનો ગુજરાતી અનુવાદ * કવિ વેણીમાધવ બોરકર *અનુવાદ * મહેન્દ્ર જોશી

નામ

હજારો નજરથી બચીને
આપણે  મળ્યા એકમેકમાં
સમયવિહીન .
 વૃક્ષની શીળી છાય તળે
તારો હાથ મારા હાથમાં .
મારી આંગળીઓ  સ્પર્શી ગઈ
તારી મખમલી હથેળીની
ઉપસેલી મહેંદીની ભાત ઉપર...

બોરસલ્લી જેવી મહેકતી ક્ષણો
મારા હ્દયમાં વિખરાઈ ગઈ

એ ક્ષણોની
માળા પરોવીને
લખું છું મારું નામ,
તારા નામની આગળ
કાળના રેતપટ ઉપર .....

(આકાશવાણી રાજકોટ દ્વારા )