પ્રાર્થના ***મહેન્દ્ર જોષી
તું એક છે મારા સકલ બ્રહ્માંડનું ઝળહળ કમળ
જો ,મેં હથેળીમાં ભર્યા તારા સરોવરના જ જળ
મઘમઘ તને હું જોઉં કે જોઉં હું આ જૂઈનો ભરમ
મારી નજરમાં, ઘ્રાણમાં ,છે શ્વેત ગન્ધોના પડળ
ઓઝલ કરે ઘરની બધી યે ચીજ-વસ્તુઓ પ્રથમ
ઉઘડે ગગન ને ટમટમે તારક સમા ચહેરા અકળ
બહુ વાર મેં કાગળ ઉપર ભૂંસી-લખી કવિતા કરી
ભૂંસી શક્યો ના કદી 'તું ' નામનો અક્ષર અચળ
એ હઠ કરીને આવશે ,ઝાંઝર પહેરી ઝૂમશે -
એ એક ઝરણું છે ,વાળી લે ઘર તરફ તું એક પળ
તારી નદીમાં મેં ય તરતી મૂકી નૌકા આજીવન
બહુ સાંભળ્યું છે આંખમાં પણ હોય છે ઊંડા વમળ
જોષી હવે તો એકસરખા લાગતા ચહેરા બધા
હું મૌનને તળિયે ઠર્યો તો પ્રાર્થનાઓ થઇ સફળ
******************(આગામી ગઝલસંગ્રહમાંથી )
તું એક છે મારા સકલ બ્રહ્માંડનું ઝળહળ કમળ
જો ,મેં હથેળીમાં ભર્યા તારા સરોવરના જ જળ
મઘમઘ તને હું જોઉં કે જોઉં હું આ જૂઈનો ભરમ
મારી નજરમાં, ઘ્રાણમાં ,છે શ્વેત ગન્ધોના પડળ
ઓઝલ કરે ઘરની બધી યે ચીજ-વસ્તુઓ પ્રથમ
ઉઘડે ગગન ને ટમટમે તારક સમા ચહેરા અકળ
બહુ વાર મેં કાગળ ઉપર ભૂંસી-લખી કવિતા કરી
ભૂંસી શક્યો ના કદી 'તું ' નામનો અક્ષર અચળ
એ હઠ કરીને આવશે ,ઝાંઝર પહેરી ઝૂમશે -
એ એક ઝરણું છે ,વાળી લે ઘર તરફ તું એક પળ
તારી નદીમાં મેં ય તરતી મૂકી નૌકા આજીવન
બહુ સાંભળ્યું છે આંખમાં પણ હોય છે ઊંડા વમળ
જોષી હવે તો એકસરખા લાગતા ચહેરા બધા
હું મૌનને તળિયે ઠર્યો તો પ્રાર્થનાઓ થઇ સફળ
******************(આગામી ગઝલસંગ્રહમાંથી )
