બા અને બાપુજી ***મહેન્દ્ર જોશી

બા, ચૂલો તાવડી અને ભાખરી હતી
બાપુજી , ચંપલ થેલી અને બંડીનું  ખિસ્સું
બા, ફૂંકણી દાઝેલી આંગળી અને સોય દોરો
બાપુજી, પાટી પેન પોતું અને પાડા (આંક)


આ હતો બા-બાપુજીનો બચ્ચરવાળ    ઘરસંસાર
અમને લાગતું કે ભાડુતી ઘરમાં
બા નો ખોળો છુપાઈ જવાની જગા છે
અને બાપુજીનો ખભ્ભો રમતનું મેદાન

ખબર નાં પડી ક્યારે મોટા થઇ થાળે પડી ગયા
બા-બાપુજી ફોટો થઇ રહી ગયા
અમારા સહુના ઘરના ઘરમાં

ક્યારેક ધર્મસંકટ આવે ત્યારે
ફરી અમે એ દિવસ નામના
ઘરમાં જઈએ છીએ
જ્યાં બા રસોડું હતી
અને બાપુજી
અમારી નિશાળ .......

*** on fathers day ******
******21-06-15